Меѓугенерациска работилница

Со многу насмевки, разговори и позитивна енергија, нашето здружение, заедно со учениците од СОУ „Ѓорче Петров“ – Прилеп – волонтери од тимот Gerio Help, одржаа инспиративна работилница со пензионерите од Прилеп, членови на здружението „Преродба“.

Во рамки на проектот „Old but Gold“, се реализираа активности посветени на здравата исхрана и здравиот начин на живот, се разговараше, се споделуваа корисни совети и искуства, а преку друштвени игри се создаде вистинска атмосфера на дружба и меѓугенерациско поврзување.

Работилницата беше простор за размена на знаења, искуства и топлина – потсетник дека возраста не е пречка, туку богатство кога се споделува.